1. Осы Шартта, оның қосымшаларында қоса алғанда, мынадай терминдер мен қысқартулар қолданылады:

2.1. Осы Шарт Қазақстан Республикасы заңнамасына сәйкес қосылу шарты саналады. Шарттың талаптарын Оператор Қазақстан Республикасының заңнамасына сәйкес дербес белгілейді және Қолданушы оларды Шартқа тұтастай қосылу арқылы ғана қабылдайды.

2.2. Жаңа Қолданушының Порталда жарияланған№ 1 электрондық өтінім формасына ЭЦҚ көмегімен қол қойғаны — оның осы Шарт талаптарына және оған тұтастай қосылуға сөзсіз келісетінінің көрінісі.

2.3. Қолданушы Порталда жарияланған№ 2 электрондық өтінім формасына ЭЦҚ көмегімен қол қоя отырып, таңдалған Тариф жоспарына сәйкес Қызметті қостыруға және тарифтеуге сөзсіз келісетінін білдіреді.

2.4. Тараптар Порталда Шарт негізінде жасалған және Қолданушының ЭЦҚ көмегімен қол қойылған электрондық құжаттар (№ 1 өтінім, № 2 өтінім және т.б.) қағаз жеткізгіштердегі қол қойылған құжаттарға балама екенін мойындайды.

2.5. Осы Шартқа қосыла отырып, Қолданушы осы Шартқа№ 4 қосымшаға сәйкес жеке деректері жиналып, өңделетінінекеліседі.

3.1. Осы Шарт бойынша Оператор Қолданушы БКМ пайдаланып ақшалай есеп айырысу жүргізгенде Қолданушыға Қызмет көрсетуге міндетті, ал Қолданушы көрсетілген Қызметті қабылдап, осы Шарт талаптарына сәйкес оның ақысын төлеуге міндетті.

3.2. Оператор ұсынған және Қолданушы алған Қызмет ақысын төлеу осы Шартта және оның қосымшаларында белгіленген тәртіппен таңдалған Тариф жоспарына сәйкес жүргізіледі.

4.1. Қолданушыны Порталда тіркеу тәртібі мен шарттарын Оператор анықтайды. Қолданушы туралы мәліметтердің дұрыстығына Қолданушының өзі жауапты.

4.2. Осы Шартқа сәйкес Қызметті пайдалану мүмкіндігін алу үшін Қолданушы Порталда Авторизациялау және Тіркеу әрекеттерін орындауға міндетті.

4.3. Порталда авторизацияланған Қолданушының жеке кабинеті автомат түрде құрылады. Қолданушыны бастапқы тіркеу Порталда жеке кабинетте жүреді. Қолданушы Порталда кейін авторизацияланғанда Жеке кабинетке Порталда Авторизациялауға пайдаланылатын деректерді пайдаланыпкіреді. Бұл ретте Порталда авторизацияланған Қолданушы Жеке кабинетке кіруге рұқсат алу үшін қосымша әрекеттерді орындауға тиіс болмайды.

4.4. Оператор фискалдық деректерді қабылдау, сақтау және мемлекеттік кірістер органдарына өткізуді Қазақстан Республикасының заңнамасында белгіленген тәртіппен іске асырады.

5.1.1. Келісім-шарт жасасып, БКМ тіркеп,Қолданушының Қызметтеріне қосылғаннан кейін Қызмет ұсынуға;

5.1.2. Қолданушыға осы Шартта көзделген көлемде және мерзімде Қызмет көрсетуге;

5.1.3. Қолданушыға Порталдағы Жеке кабинетке тәулік бойы кіру құқығын беруге;

5.1.5. Порталда ақпарат жариялау арқылы Қолданушыға Қызмет алуды қиындататын немесе нашарлататын төтенше жағдайлар туралы хабарлауға;

5.1.6. БКМ Оператордың Дерек өңдеу орталығымен VPN арқылы қосылуын қамтамасыз етуге;

5.1.7. Қолданушыға қызмет көрсету кезінде ақауларды, сапаның нашарлауын немесе үзілістерді жоюға қажет шараларды жасауға және қажет болған жағдайда оларды жөндеуге тиісті персонал жолдауға;

5.1.8. Порталда Қолданушыға қызмет көрсетуге, Шарттағы өзгерістерге, Тариф жоспарларына және т.б. қатысты ресми хабарламалар жариялауға;

5.1.9. Порталда көрсетілген телефондар арқылы Қолданушыға тәулік бойы ақпараттық қолдау көрсетуге;

5.1.10. Жұмыс күндері Астана уақытымен сағат 09.00−18.00 арасында Порталда көрсетілген телефондарға не ____________ адресіне түскен Қолданушының өтініштерін қабылдап, Қолданушыға техникалық қолдау көрсетуге;

5.1.11. салық төлеуші туралы салық құпиясы саналатын ақпараттың құпиялығын қамтамасыз етуге (Бұл ретте фискалдық деректерді және өзге де ақпаратты мемлекеттік органдарға, басқа да мемлекеттік және құқық қорғау органдарына, сот органдарына олардың сұратуы бойынша беру құпиялықты бұзу саналмайды);

5.1.12. Қолданушы № 2 Өтінімді (№ 2 қосымша) берген жағдайда, № 2 Өтінімге сәйкес әрекеттерді орындауға:
1) есепті кезеңде іске қосылмаған БКМ үшін — осындай БКМ-де алғашқы операция жасалған сәттен бастап;
2) іске қосылған БКМ үшін — бұрын белгіленген Тариф жоспарының қолданылу мерзімі аяқталғаннан кейінгі есепті кезеңде;

5.1.13. Қолданушы БКМ-ді Қазақстан Республикасының мемлекеттік кірістер органдарындағы есептен шығарған жағдайда, Оператор БКМ-ді тарифтен автомат түрде ажыратады;

5.1.14. Қазақстан Республикасының заңнамасында және осы Шартта көзделген өзге де міндеттемелерді орындауға міндетті.

5.2.1. мына жағдайларда:
1) Қолданушы Қызмет ақысын төлеу мерзімін бұзған жағдайда;
2) егер, Оператордың негізді пікірінше, Қолданушының Қызметті пайдалануы Операторға зиян келтіруі және/немесе Оператордың және үшінші тұлғалардың техникалық және бағдарламалық құралдарының істен шығуына соқтыруы мүмкін болса;
3) Қолданушы өз әрекетінде компьютерлік вирустардың не оларға теңестірілген басқа компоненттердің әрекетіне сәйкес келетін кодтары бар компьютерлерге арналған кез келген ақпаратты немесе бағдарламаларды жариялап не таратып, ол Оператордың байланыс желісінің бұзылуына соқтыруы мүмкін жағдайда;
4) уәкілетті мемлекеттік органның ұйғарымына сүйеніп;
5) Қолданушы жеке кабинетті өшіруге және Қызметтен ажыратуға дейін нақты БКМ үшін де, басқа БКМ-дар үшін де қате мәлімет немесе қате БКМ дерегін ұсынса;
6) Қолданушы осы Шарттың талаптарын бұзған жағдайда осы Шарт бойынша барлық құқығын сақтай отырып, Қызмет көрсетуді тоқтата тұруға құқылы.
Оператор Қызмет көрсетуді тоқтата тұруға негіз болған бұзу және /немесе мән-жайлар жойылғаннан кейін, VPN байланысын ұсынуға техникалық мүмкіндік болған жағдайда, сондай-ақ Дербес шотта тиісті айдағы Тариф жоспарына сәйкес жалпы сомадан аз емес сома болған жағдайда қайта қызмет көрсете бастайды.

5.2.2. Қолданушыдан осы Шарт талаптарын орындауға қажет ақпаратты алуға;

5.2.3. осы Шартты орындауға, соның ішінде шарт жасасу, Шартты орындау және іске асыру, сондай-ақ тиісті қызметтерді көрсетуге үшінші тұлғаларды, Серіктестерді тартуға;

5.2.4. біржақты тәртіппен осы Шартқа, оның қосымшаларына, сондай-ақ тарифтер мен Тариф жоспарларына (ол туралы тариф жоспары өзгеретін не жойылатын күннен 5 (бес) күнтізбелік күн бұрын Порталда ақпарат жариялай отырып) өзгерістер мен толықтырулар енгізуге;

5.2.5. арнайы шарттармен БКМ іске қосуға құқық беретін акциялар өткізуге;

5.2.6. Оператор қызмет көрсететін клиенттер тізімінде Қолданушының атауы мен тауар белгісін пайдалануға;

5.2.7. Қолданушыдан Шартты орындау мен Қызмет көрсетуге қажет ақпаратты алуға және талап етуге;

5.2.8. Операторды тексеру нәтижелері бойынша рұқсат етілмеген не қате төлем нәтижесінде алынған ақшаны Қолданушының жеке шотынан есептен шығаруға (сөйте тұра шотына қате аударылған Қолданушы бұрын БКМ іске қосу арқылы есептен шығарылған болса, Оператор қате төлемді толық аударуға/қайтаруға кепілдік бере алмайды);

5.2.9. Қызметінің сатылымын көбейтуді, Қолданушылардың бейілдігін арттыруды, жаңа Қолданушы тартуды көздейтін жарнама науқандарын, ұтыс ойындарын, басқа маркетинг іс-шараларын, сондай-ақ Оператор анықтаған Қолданушы топтарына Қолданушылардың Оператор ұсынып отырған жаңа не қолданыстағы тариф ұсыныстары бойынша жеңілдік және/немесе жарнама ұсыныстарын пайдалану белсенділігін зерттеу үшін маркетинг науқандарын өткізуге;

5.2.10. Қазақстан Республикасының қолданыстағы заңнамасында көзделген тәртіппен Оператордың анықтама-ақпарат қызметіне түскен кіріс қоңырауларды тіркеуге, сондай-ақ Қолданушы бірнеше рет Оператордың қызметіне қатысы жоқ мәселелер бойынша хабарласқан және/немесе Қолданушы этика нормаларын бұзған жағдайда Қолданушының анықтама-ақпарат қызметіндегі Оператор маманының тікелей қызметіне қол жеткізуін біржақты ретпен шектеуге құқылы;

5.2.11. Қолданушы күнтізбелік айда бірде-бір касса операциясын өткізбеген жағдайда, Оператордың қызметі белгісіз уақытқа тоқтатылады. Қолданушы кез келген касса операциясын өткізгенде, тариф пен қызмет көрсету қайта басталады;

5.2.12. Оператордың ҚР заңнамасында және осы Шарттың талаптарында көзделген өзге де құқықтары бар.

5.3.1. Қазақстан Республикасының бақылау-касса машиналарын пайдалану туралы заңнамасының талаптарына сәйкес келетін және мемлекеттік кірістер органдарында тіркелген бақылау-касса машиналарын пайдалануға;

5.3.2. Порталда жарияланған нұсқауларға, сондай-ақ БКМ Қолданушы нұсқаулығына сәйкес БКМ-ді Оператордың дерек өңдеу орталығына қосуға;

5.3.3. VPN арнасын қосқаннан кейін, егер Оператор Кеңсесінде Оператор ұсынған болса, жабдықты уақытша пайдалануға беру туралы актіге дереу қол қоюға;

5.3.4. егер Қолданушының байланыс желісі VPN арнасынан уақытша (кез келген себептермен) ажыратылған болса, Қолданушы фискалдық деректер операторының серверіне жіберілгенге дейін БКМ фискалдық деректер жинақтағышында дербес режимде жұмыс істеген кезеңде жинақталған БКМ чектері туралы ақпараттың қауіпсіздігін өз бетімен қамтамасыз етуге (БКМ дербес жұмыс режимі байланыс арналарына қол жеткізу болмаған кезде және БКМ-ден Оператордың VPN арнасының қосылу нүктесіне дейін берілетін деректер серверіне ақшалай есеп айырысу туралы ақпаратты жолдаған сәтке дейін жарамды);

5.3.5. Оператордың Шарт талаптарына сәйкес Қызмет көрсетуіне уақтылы және толық көлемде ақы төлеуге;

5.3.6. Портал арқылы Тариф жоспарын қостыруға/ажыратуға/тоқтата тұруға/өзгертуге, БКМ тіркеуге, қайта тіркеуге, тіркеуден шығаруға, есептен шығаруға өтінім беруге (егер БКМ Есепті кезең ішінде істеп тұрмаса, Оператор Қызмет үшін ақы алмайды);

5.3.7. тіркеу деректері мен авторизация ақпаратының қауіпсіздігі мен құпиялығын қамтамасыз етуге және өз ресурстарын үшінші тұлғалардың оларды жосықсыз пайдалануынан қорғауды қамтамасыз ететін тәсілмен конфигурациялауға міндетті. Қолданушы көрсетілген міндетті орындамаған жағдайда салдарына толық өзі жауап береді. Шарттың қолданылу мерзімі ішінде Қолданушының тіркеу деректерін пайдаланып жасалған әрекеттердің бәрінҚолданушы істеді деп есептеледі. Логин мен құпиясөз үшінші тұлғаларға берілген жағдайда, сондай-ақ Қолданушы үшінші тұлғаларға Қолданушының атынан кіруге рұқсат берген жағдайда, Қолданушы осы Келісімшарт бойынша құқықтар мен міндеттердің бәрін өз мойнына алады. Логин мен құпиясөз біреудің қолына түскен жағдайда Қолданушы құпиясөзді дереу өз бетімен өзгертуге немесе Операторға логинді және/немесе құпиясөзді өзгерту қажетін хабарлауға;

5.3.8. жабдықтың бұзылуына және Оператордың Дерек өңдеу орталығы мен байланыс желісінің дұрыс жұмыс істемеуіне соқтыратын әрекеттерді жасамауға;

5.3.9. Қолданушы таратылатыны, қызметі тоқтатылатыны туралы Операторға тиісті шешім қабылданған күннен бастап 5 (бес) жұмыс күні ішінде хабарлауға;

5.3.10. Қазақстан Республикасының заңнамасында және осы Шартта көзделген өзге де міндеттемелерді орындауға міндетті.

5.4.1. Порталда көрсетілген байланыстар бойынша Көрсетілетін Қызметтердің шарттары мен сапасына қатысты барлық мәселе бойынша Операторға хабарласып, техникалық немесе ақпараттық қолдау қажет болған жағдайда Порталға өтінім жолдауға;

5.4.2. Оператордың ұсынысы бойынша Операторға өзінің Жеке кабинеті арқылы № 2 өтінімді (№ 2 қосымша) беріп, өз қалауынша Тариф жоспарын таңдауға және (немесе) ауыстыруға;

5.4.3. № 4 қосымшаға сәйкес осы Шартты бұзуға құқылы;

5.4.4. Қазақстан Республикасының заңнамасында және осы Шарттың талаптарында көзделген өзге де құқықтарыбар.

6.1. Осы Шарт бойынша Қызмет құнын Оператор Порталында жариялаған бекітілген Тариф жоспарларына сәйкес дербес белгілейді.

6.2. Қолданушы Қызмет қостырған күнге дейін және есеп айырысу кезеңінің 1-күнгі жағдай бойынша келесі кезеңдерде дербес шотта тиісті кезеңдегі Тариф жоспарына сәйкес жалпы сомадан кем емес сома болуын қамтамасыз етуге міндетті.

Оператор Қызметті Қолданушының дербес шотында жоғарыда көрсетілген сома бар жағдайда ғана қосады. Егер есеп айырысу айының 1-ші жұлдызында Қолданушының жеке шотындағы сома ай сайынғы төлем сомасынан аз болса, Оператор қызмет көрсетуді тоқтата тұрады. Қызмет Қолданушының дербес шотына алдын ала төлем түскеннен кейін қайта қосылады.

6.3. Оператор есеп айырысудан кейінгі күнтізбелік айдың 15-не дейінгі мерзімде электрондық фактура-шоттар веб-порталы арқылы (www.esf.gov.kz) көрсетілген Қызметтің нақты көлеміне қарай фактура-шот ұсынады.

6.4. Осы Шарт бойынша Қызмет көрсету бойынша есеп айырысудың бәрі таңдалған Тариф жоспарына сәйкес есепті кезең үшін Қазақстан Республикасының ұлттық валютасы — теңгемен жүреді.

6.5. Порталдағы дербес шотты Қолданушы Қызмет ақысын төлеуге ғана пайдалана алады.

6.6. Қызмет көрсетілетін және есепке алынатын есептік кезең таңдалған Тариф жоспарына сәйкес кезең саналады. Тариф жоспарын ауыстырғанда ағымдағы Тариф жоспары бойынша Есептік кезеңдегі пайдаланылмаған қалдық өтелмейді.

7.1. Тараптар осы Шарт бойынша өз міндеттемелерін орындамағаны немесе тиісінше орындамағаны үшін Шарт талаптарына сәйкес, Шартта реттелмеген бөлігінде — Қазақстан Республикасының заңнамасына сәйкес жауап береді.

7.2. Оператор Қолданушының Қызметті тиісінше пайдаланбауы немесе пайдалана алмауы салдарынан туындаған қандай да бір залалдарға жауапты болмайды.

7.3. Оператор:
1) Қолданушы мен үшінші тұлғалар арасында туындаған, Қолданушының осы Шартта көзделген міндеттемелерді орындамауынан және/немесе тиісінше орындамауынан туындаған дауларға;
2) Оператордың техникалық құралдарының жұмысын қолдау және дамыту қажетінен туындаған жабдықты, бағдарламалық жасақтаманы ауыстыруға немесе басқа жұмыстар себебінен Қызмет көрсетудегі толық немесе ішінара үзілістерге (Қолданушыға ондай жұмыстар басталардан кемінде бір күн бұрын алдын ала хабарланған жағдайда);
3) метеорологиялық жағдайлар, жергілікті жер бедері және өзге де объектив себептер салдарынан радиотолқындар таралуы ерекшеліктеріне байланысты Қызмет сапасы нашарлауына;
4) Қолданушы Оператордың телефонна берген кеңесін және/немесе Порталда жарияланған Оператордың нұсқауларын қате орындағаны кесірінен Қолданушыға ықтимал жағымсыз салдар туғанына;
5) Қолданушының Қызмет алу үшін пайдаланатын жабдығы мен бағдарламалық жасақтамасының қауіпсіздігін қамтамасыз етуге;
6) Қолданушының ақаулы және/немесе Оператордың талаптарына сәйкес келмейтін жабдықты пайдалануы салдарынан Қызмет сапасын нашарлауына, Қызмет көрсету мерзімібұзылғанына немесе Қызмет көрсетуде кідіріс болғанына;
7) Қолданушы Қызметті пайдалану кезінде Операторға беретін (алатын) ақпараттың мазмұнына;
8) операторға байланысты емес электр энергиясы желісіндегі іркіліс кесірінен Қызмет көрсетуде кідіріс болғанына;
9) операторға тиесілі емес бағдарламалық жасақтама немесе жабдық істен шыққан жағдайда Қызмет көрсетуде үзіліс болғанына;
10) Қызмет сапасы нашарлауына және/немесе Қызмет көрсету мүмкін болмай қалуына соқтыруы мүмкін БКМ техникалық ақауы және/немесе тиісінше қолданылмағанына;
11) қызметті пайдалану нәтижесінде Қолданушыға келген шығындарға;
12) Қолданушыға Қызмет көрсету нәтижесінде туындаған Қолданушы үшін ықтимал жағымсыз салдарға;
13) электр энергиясын беруде, Интернет желісі трафигінде іркілістер болған жағдайда, сондай-ақ Операторға байланысты емес себептер бойынша өзге де жағдайларда Шарт бойынша міндеттемелерді орындамағаны немесе тиісінше орындамағаны үшін жауапты емес.
14) Қолданушы Жеке кабинетке қолжетімділік берілген тұлғалардың іс-әрекеттері және Оператордың Қызметтерін көрсетуі үшін дербес жауапты болады.

7.5. Оператордың Шарт бойынша міндеттемелерді орындамағаны үшін жауапкершілігі тиісті Есепті кезеңдегі Қызмет құнынан аспауға тиіс.

7.6. Шартта көзделген міндеттемелер бұзылған жағдайда, Қолданушы жағымсыз салдарына өзі жауап береді.

7.7. Оператор Қазақстан Республикасының заңнамасына сәйкес салық төлеуші туралы салық құпиясын және заңмен қорғалатын өзге де құпияны құрайтын ақпараттың құпиялығын қамтамасыз етуге жауапты.

7.8. Қолданушы Оператордың Қолданушыға уақытша иеленуге және пайдалануға берілген жабдықтарын жарамды күйде және тиісті түрде уақтылы қайтаруға жауапты және Операторға келген залалды осы Шарт талаптарына қарай өтеуге міндетті.

8.1. Тараптар Шарт бойынша өз міндеттемелерін форс-мажор, яғни төтенше, тосын және алдын алуға болмайтын жағдайлар- соғыс (соның ішінде жергілікті қақтығыс), көтеріліс, бүлік, өрт, жарылыс, су тасқыны немесе басқа да табиғи апат — салдарынан тиісті түрде орындау мүмкін болмағанын дәлелдесе, өз міндеттемелерін орындамағаны немесе тиісінше орындамағаны үшін жауапкершіліктен босатылады.

8.2. Тараптар шарт бойынша міндеттемелердің орындалуына тікелей ықпал ететін ҚР мемлекеттік органдары немесе жергілікті өзін-өзі басқару органдарының құқықтық актілерін шығаруы салдарынан Шарт бойынша міндеттемелердің орындалуын кешіктіргені немесе орындамағанына жауап бермейді.

8.3. Форс-мажор ықпалына ұшыраған Тарап 5 (бес) жұмыс күні ішінде өзге Тарапқафорс-мажордың сипаты, түрі, болжамды ұзақтығы, сондай-ақ оның Шарт бойынша қандай міндеттерді орындауға кедергі келтіретіні туралы хабарлауға және осындай мән-жайлар туындағанына дәлел ұсынуға міндетті (бұл ретте Оператор Қолданушыға Порталда тиісті ақпарат жариялап немесе (және) оны Қолданушының Жеке кабинетіне жолдап хабарлауға құқылы). Хабарлама болмаған жағдайда, форс-мажор ықпалына ұшыраған Тарап бұдан әрі форс-мажор ықпалын оны жауапкершіліктен босататын негіз деп атай алмайды.

8.4. Форс-мажор туындауы Тараптардың Шарт бойынша міндеттемелерді орындау мерзімін оның қолданылу мерзіміне пропорционал түрде ұзартады. Форс-мажор ықпалы алты айдан астам уақытқа созылған жағдайда, Тараптар бір Тараптың ұсынысы бойынша одан әрі әрекет ету шарттары және/немесе Шартты бұзу мүмкіндігі туралы келісе алады.

9.1. Шарт Қазақстан Республикасының заңнамасына сәйкес орындалуға және түсіндірілуге тиіс.

9.2. Шарттан туындайтын Тараптар арасындағы даулар келіссөз арқылы шешіледі. Тараптардың бірі туындаған дауға қатысты шағымды немесе өзге құжатты алған күннен бастап 15 (он бес) күнтізбелік күн ішінде келісімге келмеген жағдайда даулар Қазақстан Республикасының қолданыстағы заңнамасында көзделген тәртіппен Қазақстан Республикасының соттарында шешілуге тиіс.

10.1. Осы Келісім Қолданушы № 1 қосымшаға сәйкес Өтінімге қол қойған сәттен бастап күшіне енеді және белгісіз мерзімге жасалады.

10.2. Шарт Қазақстан Республикасы заңнамасында және (немесе) Шартта көзделген жағдайларда бұзылуы мүмкін.

10.3. Қолданушы бұл туралы Операторға Портал арқылы хабарлап, № 4 қосымшаға сәйкес мына жағдайларда және мына ретпен өтінім бере отырып, осы Шартты біржақты тәртіппен бұзуға (біржақты бас тарту) құқылы:
1) БКМ есептен шығарылған жағдайда ОператорғаБКМ есептен шығарудың болжамды күнінен кемі 5 (бес) күнтізбелік күн бұрын хабарлап (бұл жағдайда Қызмет көрсету және осы Шарт Оператор тиісті өтінімді алған күннен бастап 5 (бес) жұмыс күні өткеннен кейін тоқтатылады);
2) Шарттың 10.4-тармағында көрсетілген жағдайда, Шартқа өзгерістер күшіне енген күннен кемі 5 (бес) күнтізбелік күн бұрын (бұл жағдайда Қызмет көрсету және осы Шарт Оператор тиісті өтінімді алған күннен бастап 5 (бес) жұмыс күні өткеннен кейін тоқтатылады);
3) өз бастамасы бойынша — Қызмет көрсету мен Шартты тоқтатудың болжамды күнінен кемі 30 (отыз) күнтізбелік күн бұрын (бұл жағдайда Қызмет көрсету және осы Шарт Оператор тиісті өтінімді алған күннен бастап 30 (отыз) күнтізбелік күн өткеннен кейін тоқтатылады).

10.4. Оператор Шартты біржақты тәртіппен өзгерте алады, ондайда Шарттың өзгертілген редакциясын немесе оның жекелеген бөлігін (бөліктерін) өзгерістер күшіне енерден кемі 10 (он) күнтізбелік күн бұрын Порталда жариялауға тиіс. Өзгерістердің күшіне енуі мерзімі ұзағырақ деп белгіленбесе, Шартқа енгізілетін өзгерістер Шарттың өзгертілген редакциясы немесе оның жекелеген бөлігі (бөліктері) алғаш жарияланған күннен бастап күнтізбелік 10 (он) күн өткен соң күшіне енеді. Шарттың өзгертілген нұсқасы немесе оның жекелеген бөлігі (бөліктері) Порталда алғаш жарияланған сәттен бастап Қолданушы Оператор енгізген өзгерістер туралы хабардар болды деп есептеледі. Қолданушы Оператор енгізген өзгерістерге келіспеген жағдайда № 4 қосымшаға сәйкес 3-өтінімді жолдап, Шарттан бас тартуға құқылы. Көрсетілген мерзімде Оператор мұндай өтінімді алмаса, Қолданушы Шарттың өзгертілген талаптарын сөзсіз қабылдадыдеген сөз.

11.1. Егер Шартта өзгеше көзделмесе, Тараптар арасында ақпарат (материалдар) алмасу шарт бойынша тек жазбаша жүреді. Тараптардың жазбаша хабарламалары поштадан, факс, email арқылы, курьерденжолданады, Тараптың (оның уәкілетті өкілінің) қолына беріледі немесе хат жеткізілгенін (күн, уақыт) және оны жолдаушы туралы мәліметтерді тіркеуге мүмкіндік беретін басқа тәсілдермен жеткізіледі.

11.2. Тараптардың Шарттан туындайтын және Шартта реттелмеген қатынастары Қазақстан Республикасының заңнамасына сәйкес реттеледі.

11.3. Шарт мемлекеттік және орыс тілдерінде бірдей заң күші бар екі дана жасалған. Шарттың мемлекеттік тілдегі және орыс тіліндегі мәтіндері арасында алшақтық болған жағдайда, орыс тіліндегі мәтінге басымдық беріледі.

11.4. Мына қосымшалар Шарттың ажырамас бөлігі болып табылады:
1) 1-қосымша. «Фискалдық деректерді қабылдау, өңдеу, сақтау және өзгертпей салық органдарына өткізу қызметін көрсету, қосылу және Қызметті тарифтеу шартына қосылу туралы № 1 өтінім (Үлгі)».
2) 2-қосымша. Фискалдық деректерді қабылдау, өңдеу, сақтау және өзгертпей салық органдарына өткізу қызметін көрсетудің Тариф жоспарына қосылу туралы № 2 өтінім.
3) 3-қосымша. Фискалдық деректерді қабылдау, өңдеу, сақтау және өзгертпей салық органдарына өткізу қызметін көрсету үлгілік шартты бұзуға және ол бойынша қызмет көрсетуді тоқтатуға арналған № 3 өтінім.
4) 4-қосымша. Деректер жиналып, өңделетініне келісім.

«COMRUN» ЖШС
БСН 180140005198
Заңды мекенжайы: Астана қ., ЕСІЛ ауданы, Мәңгілік Ел даңғ., 55/7, Павильон С3.5
Есептік шот: KZ8296503F0010959418
ForteBank АҚ
БСК IRTYKZKA

Қолданушы туралы мәліметтер: 

1) ұйым атауы _________________________________________________________

2) ЖСН/БСН: ___________________________________________________________

3) заңды мекенжайы: ____________________________________________________

4) есеп шотының деректемесі (банк, БСК, ЖСК)*: 

__________________________________________________________________

5) байланыс деректері:

телефон нөмірі: ______________________________________

email: _______________________________

Осы өтінімге қол қойып, Қолданушы Фискалдық деректерді қабылдау, өңдеу, сақтау және өзгертпей салық органдарына өткізу қызметін көрсету туралы үлгілік шарттың талаптарымен танысқанын растап, оған қосылады

* бұл өрісті толтыру міндетті емес

1. Жазылым жүйесіндегі тариф жоспарларына БКМ (бұдан әрі - Қызмет) пайдаланып жүретін ақшалай есеп айырысу операциялары туралы электрондық ақпаратты қабылдау, өңдеу, сақтау және салық органдарына өзгертпей өткізу қызметі кіреді.

2. Қызметке жазылу мерзіміне қарай Қолданушы мына Тариф жоспарларының бірін таңдауға құқылы:

14. Оператор Қолданушыларға Қызметке байланысты мәселелер бойынша ақпараттық және техникалық қолдау көрсетеді, ол үшін Қолданушы Оператордың тәулік бойғы кеңес беру-ақпарат қызметіне жүгінуі керек. Оператордың кеңес беру-ақпарат қызметінің бірыңғай қоңырау шалу нөмірі мен email адресі Порталда көрсетілген.

Қолданушының дербес шоты _________________________________
Қолданушы туралы мәліметтер:
1) ұйым атауы : _____________________________________________________
2) ЖСН/БСН: ________________________________________________________
3) заңды мекенжайы: ________________________________________________
4) байланыс деректері:
телефон нөмірі: ______________________________________

email: _______________________________

Фискалдық деректерді қабылдау, өңдеу, сақтау және өзгертпей салық органдарына өткізу қызметін көрсету туралыүлгілік шартты бұзуыма байланысты жоғарыда көрсетілген сипаттамаларға сәйкес көрсетілетін қызметті өшіруіңізді сұраймын.

Осы өтінімге қол қойып, Қолданушы Қызмет көрсетуді тоқтату шарттарымен танысқанын және оған келісетінін растайды.

Өтінім беру Қолданушыны көрсетілген Қызметтің ақысын төлеу міндеттемесінен босатпайды.

Деректер жиналып, өңделетініне осы келісімді (бұдан әрі - «Келісім») Қолданушы (бұдан әрі - «Субъект») Қазақстан Республикасының қолданыстағы заңнамасы нормаларына сәйкес «COMRUN» жауапкершілігі шектеулі серіктестігіне, БСН 180 140 005 198 (бұдан әрі - «Оператор») ұсынады.

A) Қолданушы Операторға мына әрекеттерді істеуге:
1. деректерді (осы Келісімнің В тармағында анықталғандай):
(а) мобильді қосымшаны ұялы телефонға, смартфонға, планшетке орнату және/немесе веб-қосымшаны пайдалану, сондай-ақ БКМ-ді кез келген түрде қолдануды бастау; немесе
(b) Оператордың веб-сайтында, мобильді қосымшасында немесе Оператордың өзге электрондық ресурсында Субъектіні тіркеу және (немесе) авторизациялау; немесе
© Келісімге қағаз немесе электрондық тасымалдағышта қол қоюмен шектелмейтін кез келген тәсілмен (өз қолымен), электрондық цифрлық қолтаңба құралдарымен, бір реттік (one-timepassword) кодты қолдану арқылы қол қою арқылы қол қоюОператор немесе оның агенті Субъектінің ұялы телефон нөміріне SMS-хабарлама немесе web не басқа бағдарламалық жасақтама арқылы push-хабарлама жолдау арқылы; немесе
(d) мүмкін жағдайда Оператордың кеңселеріне бару; немесе
(e) Оператордың электрондық ресурстарына кіру, оның ішінде Cookies немесе Субъектінің деректерін тіркей алатын басқа ережелерді, хаттамаларды, бағдарламалық және аппараттық құралдарды қабылдау арқылы; немесе
(f) Оператордың өнімдерін немесе сервистерін пайдалану арқылы жинап, өңдеуге келісім береді.

2. Деректерді, соның ішінде жеке деректерді, сондай-ақ банк құпиясын, салықтық құпияны, сақтандыру құпиясын, бағалы қағаздар нарығындағы коммерциялық құпияны және заңмен қорғалатын өзге де мәліметтерді Оператордың аффилиирленген тұлғаларына, агенттеріне және кез келген үшінші тұлғаларға (бұдан әрі - «Үшінші тұлғалар») беруге келіседі. Бұл деректер қолданыстағы заңнама талаптарына сәйкес, сондай-ақ Оператор немесе Үшінші тұлғалар тарапынан Субъектіге өнімдер мен қызметтер ұсыну немесе Оператор мен Үшінші тұлғалар арасындағы келісім-шарттық міндеттемелерді орындау мақсатында берілуі мүмкін. Субъект оның деректері Оператордың немесе Үшінші тұлғалардың деректер базасына енгізілуі, бұл ретте оның жеке деректері Оператордың қатысуынсыз өңделуі мүмкін екеніне келіседі. Алайда, Оператор Үшінші тұлғалардан берілген деректердің құпиялығын қамтамасыз етуді талап етуге міндетті.

3. Оператордың осы келісімде мәлімделген Деректерді жинау және өңдеу мақсаттары үшін қажетіне қарай Деректерді Қазақстан Республикасының аумағынан тыс жерлерге мемлекеттердің аумағына шекара асырып беруі.

Субъект Деректер берілуі мүмкін елдерде Деректерді сақтау шарттары мен талаптары Қазақстан Республикасының қолданыстағы заңнамасында көзделгеннен төмен болуы мүмкін екеніне және бұл елдердегі Дерек операторлары оларды тиісті түрде қорғауды қамтамасыз ете алмайтынына келіседі.

B) Осы Келісімде «Деректер» электрондық, қағаз және (немесе) өзге де материалдық тасымалдағышта тіркелген, нақты не соларға сүйеніп анықталатын Субъектіге қатысты мәліметпен/ақпаратпен шектелмеуі керек, атап айтқанда: тегі, аты және әкесінің аты (бар болса); аты-жөнінің транскрипциясы; жеке немесе өзге сәйкестендіру нөмірі (Субъект Операторға берген болса); толық туған күні; жеке басын куәландыратын құжаттың деректері (Субъект Операторға берген болса) және басқа құжаттар (төлқұжат, жүргізуші куәлігі, т.б.); мемлекеттік мекемелерден анықтамалар (медициналық, наркологиялық және т.б.); телефон нөмірі; email адресі; тұрғылықты мекен-жайы; Субъектінің бейнесі (фотосурет, аватар және т.б.) (Субъект Операторға ұсынған болса); биометрия мәліметтері; идентификаторлар (шоттардың атауы және Субъект таңдаған идентификаторлар); ұйымның атауы мен мекен-жайы; ЭҚЖЖ; сауда нүктесінің атауы мен мекен-жайы; жасы; тұтынушы ретіндегі қалауы; сатылым түбіртектері; телефон кітапшасындағы контактілері (Оператордың мобильді қосымшаларын пайдалану кезінде/Субъект құрылғысының камерасынан алынған суреттер; цифрлық құжаттар; мобильді құрылғының микрофонынан дыбыс жазба; Субъект құрылғысының моделі және оның операциялық жүйесі мен браузері және (немесе) Интернетке қосылу түрі туралы мәліметтер; Субъект жататын нарық сегменті; Субъектінің салық резиденттігі және салық сәйкестендіргіші туралы ақпарат; Оператордың қолдау және сату қызметі өкілдерімен байланыс жазбалары; Субъектінің құрылғысын сәйкестендіретін мәліметтер; Интернет желісіндегі сайттарда жарияланған Субъектінің жария комментарийлері; Субъектінің IP-адресі бойынша және (немесе) e-SIM және (немесе) SIM-карта және (немесе) Интернет-банкинг арқылы алынған Субъектінің орналасқан жері туралы деректер; Субъектінің орналасқан жері туралы мәліметтер; Субъектінің орналасқан жері туралы мәліметтер); GPS арқылы (жаһандық позициялау жүйесі); Субъектінің Интернетте кірген веб-сайттары туралы ақпарат; Субъектінің Интернетте сатып алғандары туралы ақпарат және аналитикаға арналған басқа метадеректер (cookie файлдары); субъект Интернет желісінде жариялаған немесе ол қараған контент; сондай-ақ әлеуметтік желілерден Субъект туралы жалпыға ашық ақпарат; банк құпиясын, сақтандыру құпиясын құрайтын ақпарат/деректер, бағалы қағаздар нарығындағы коммерциялық құпияны және заңмен қорғалатын өзге де құпияны; Оператор Субъектіден немесе оған қатысты алуы мүмкін ақпарат/деректер.

С) Субъектінің деректері мына мақсатпен жиналып, өңделеді (тізім толық емес): Оператордың және Үшінші тұлғалардың өнім ұсыну және қызмет көрсетуі, оның ішінде қаржы қызметін көрсетуі, маркетинг және жарнама іс-шараларын, зерттеу, акция өткізу, Субъектіге кез келген, соның ішінде Оператор мен Үшінші тұлғалардың өнімдері және (немесе) қызметтері мен ұсыныстары туралы ақпарат материалдарын ұсыну (жолдау), сондай-ақ телефон, факс және басқа байланыс түрлері арқылы, сондай-ақ ашық байланыс арналары (соның ішінде SMS-хабарламалар) арқылы өзге де хабарламалар, e-mail, push- хабарламалар, дауыстық хабарламалар, қашықтан қол жеткізу жүйелері, әлеуметтік желілер және т.б.) жолдау, сондай-ақ QR код немесе штрих-код арқылы төлем жасау, телефон кітапшасының контактілерінен төлем не қызмет алушыны таңдау, Оператордың және/немесе Үшінші тұлғалардың мобильді қосымшасында Субъектінің аватарын/фотосуретін көрсету, цифрлық құжаттар сервисінен Субъектінің цифрлық құжаттарын алу, Оператордың/Үшінші тұлғалардың өкілдерімен дауыстапхабарласу; Субъектіге тауар не қызмет жеткізу; кірістерді заңдастыруға (жылыстатуға) және терроризмді қаржыландыруға қарсы іс-қимыл талаптарын орындауға байланысты Оператордың/Үшінші тұлғаның тексеріс жүргізуі; Оператордың клиенттерін Субъектілердің алаяқтық әрекеттерінен қорғау.

D) Субъектінің дербес деректерін, Субъектіден осы әрекеттерді жасауға тиісті жазбаша келісім алынған жағдайларды қоспағанда, Оператор және (немесе) Үшінші тұлғалар жалпыға ашық дереккөздерде тарата алмайды.

E) Осы Келісім Оператор қызметінің барлық кезеңіне немесе жаңартылған келісім шығыр, ол Субъектіге хабарланған мерзімге дейін беріледі.