ПАЙДАЛАНУШЫ КЕЛІСІМІ

1.1. Құқық иесі Пайдаланушы заңды негізде иеленетін немесе басқаратын Абоненттік құрылғыдағы БКМ-ді пайдалануға, Құқық иесінің қарастыруымен толық жойылуы мүмкін сублицензиялау, беру құқығын Пайдаланушыға беруді қоспағанда, Пайдаланушыға БКМ пайдалану құқығын (қарапайым (жай) лицензиясын), Құқық иесіне тиесілі ерекше құқығын беруге міндеттеледі.

1.2. Пайдаланушыға ұсынылған БКМ-ді пайдалану құқығы көлеміне БКМ-ді тікелей функционалды қызметі бойынша (Пайдаланушы нұсқаулығына сəйкес) пайдалану, соның ішінде БКМ-ді орнату жəне қалпына келтіру кіреді. БКМ-ның толыққанды жұмыс істеуінің міндетті шарты — Пайдаланушының Абоненттік құрылғысында интернет желісі байланысы болуы/қосылуы керек. БКМ-нің Негізгі пайдаланушысы басқа адамдарға БКМ-ды пайдалану өкілдігін берген жағдайда БКМ пайдалану мен кейінгі салдары үшін Негізгі пайдаланушы жауапты болады.

1.3. Бұл Келісімнің қолданыс аумағы Қазақстан Республикасымен шектеледі.

1.4. БКМ-ді пайдалануға қарапайым (жай) лицензияның қолданыс мерзімі БКМ-нің Қазақстан Республикасының бақылау-кассалық машиналары модельдерінің мемлекеттік реестрінде болу мерзіміне тең. Келісімнің қолданысын бұзған немесе тоқтатқан жағдайда Пайдаланушы БКМ-ді пайдалану құқығынан айырылады. Құқық иесі кез келген уақытта себебін түсіндірусіз Пайдаланушының БКМ-ді пайдалануын тоқтатып, осы Келісімді бұзуға құқылы.

2.1. Егер Келісім мəтінінде арнайы көрсетілмесе, Пайдаланушыға Құқық иесінің алдын ала жазбаша келісімінсіз мыналарды орындауына болмайды:

(i) БКМ-ді модификациялауға, басқа бағдарламалық жасақтамаға кіріктіруге немесе онымен біріктіруге, БКМ-ның кез келген бөлігінің қайта жасалған нұсқасын құруға;

(ii) лицензияларды (сублицензияларды) сатуға, беруге, жалға беруге, қайта беруге, тапсыруға, кепілдікке беруге, осы Келісім бойынша үшінші тұлғаларға құқықтарын бөлуге;

(iii) БКМ-ді үшінші тұлғалардың мүддесіне пайдалануға, көшіруге, таратуға немесе жаңғыртуға;

(iv) БКМ-ға қатысты қандай да бір салыстырмалы талдау нəтижелерін жариялауға, аталған нəтижелерді бағдарламалық жасақтама əзірлеу бойынша қандай да бір қызмет үшін пайдалануға;

(v) БКМ-ді модификациялауға, дизассемблерлеуге, қайта құрастыруға, құраушы кодтарға бөлшектеуге, қайта өңдеуге немесе жетілдіруге, БКМ-нің бастапқы мəтінін алуға əрекеттенуге, басқа тəсілмен оның жұмысының қалыпты барысын бұзуға.

БКМ тұтастығы мен қорғау жүйесін бұзуға, сондай ақ, БКМ Құқық иесінің ерекше құқығын бұзатын басқа да əрекеттерге рұқсат етілмейді жəне Қазақстан Республикасының заңнамасына сəйкес азаматтық-құқықтық, әкімшілік немесе қылмыстық жауапкершілікке әкеп соғады, соның ішінде Құқық иесінің талабымен құқықты мойындау, құқығын бұзатын немесе оны бұзу қауіпін тудыратын əрекеттердің жолын кесу, Құқық иесін көрсету жөнінде сот шешімін жариялау, шығындарының орнын толтыру немесе өтемақысын төлеу туралы сот шешімін орындау міндеттемесіне алып келеді.

3.1. Көрсетілетін Қызметтің құнын Құқық иеленуші өз бетінше бекіткен және сайтында (https://rekassa.kz/kz/service-fee) жариялаған Тариф жоспарына сай тағайындайды.

3.2. Пайдаланушы БКМ-ді Абоненттік құрылғысына орнату кезінде Интернет пайдалану қызметтерін ұсынатын ұйымның Интернетті пайдаланғаны үшін тарифке сəйкес төлем алатыны туралы (Пайдаланушыдан) хабардар етілген. Сондай-ақ SMS хабарламалар жіберу барысында ұялы оператордың тарифтері бойынша ақы (Пайдаланушыдан) алынады.

3.3. Пайдаланушы ақылы қызметтерді қосқан жағдайда, сервистік алым қолданылғанда немесе Тарифтік жоспарға сәйкес төлем жасау міндеттемесі туындағанда, Пайдаланушы тиісті ақылы қызметтерді қосу күніне дейін және кейінгі кезеңдерде есептік кезеңнің 1 (бірінші) күніне өзінің дербес шотында тиісті кезең үшін есептелген жалпы сомаға тең немесе одан кем емес қаражаттың болуын қамтамасыз етуге міндетті.

Құқық иеленуші тиісті ақылы қызметтерді Пайдаланушының жеке шотында көрсетілген сома болған жағдайда ғана қосады. Есеп айырысу айының 1 (бірінші) күні Пайдаланушының жеке шотындағы сома ақылы қызметтер бойынша есептелген төлемдер сомасынан және/немесе сервистік алымнан аз болған жағдайда, Құқық иеленуші Пайдаланушының жеке шотына қажетті алдын ала төлем түскен сәтке дейін мұндай ақылы қызметтерді көрсетуді тоқтата тұруға құқылы.

3.4. Құқық иеленуші есептік кезеңнен кейінгі күнтіщбелік айдың 15-не дейін электронды шот-фактуралардың веб-порталы (www.esf.gov.kz) арқылы көрсетілген қызметтердің нақты мөлшері бойынша шот-фактура шығарады.

3.5. Осы Келісім бойынша көрсетілген Қызметтер үшін барлық есеп айырысу таңдалған Тариф жоспарына сәйкес Есептік кезең үшін Қазақстан Республикасының ұлттық валютасы — теңгемен жүргізіледі.

3.6. Таңдалған тариф жоспарына сәйкес Қызмет көрсетілетін және есептелетін кезең - Есептік кезең болып табылады. Тариф жоспарын ауыстырғанда ағымдағы Тарифтік жспар бойынша Есептік кезеңде пайдаланылмаған қалдық қайтарылмайды.

4.1. «reKassa» бақылау-кассалық машинасының" 3.0 нұсқасы, «reKassa» атауы мен логотипі жəне басқа да авторлық жəне/немесе сабақтас құқық нысандарына ерекше құқықтар Қазақстан Республикасының заңнамасына сəйкес қорғалған жəне Құқық иесіне тиесілі.

4.2. Құқық иесі осы Келісім бойынша рұқсат болатын кез келген Зияткерлік меншік нысандарын қайта өңдеу (модификациялау) нəтижелеріне тиесілі ерекше құқықты өзінде сақтайды жəне кез келген уақытта Пайдаланушылардың шығындарына еш өтемақы төлеместен, ол нəтижелерді пайдалану құқығын өз пайымы бойынша қайтарып алуға құқылы.

5.1. Құқық иесі осы Келісім бойынша Пайдаланушыға БКМ жаңартуын, модификациясын жəне жаңа нұсқаларын беруге міндетті емес. Алайда ол кейде БКМ-ға арналған жаңартулар шығара алады. Мұндай мобильді қолданбаларға арналған жаңартулар электронды құрылғы баптауларына байланысты іске қосылады. Пайдаланушы осындай автоматты жаңартуға келіседі, сондай-ақ осы Келісімнің шарттары мен ережелері аталған жаңартулар үшін күшінде болатынын қабылдайды.

5.2. Құқық иесі БКМ-ді Пайдаланушыларға Қазақстан Республикасының бақылау-кассалық машиналары модельдерінің мемлекеттік реестріндегі болу мерзімі ішінде техникалық қолдау ұсынады.

5.3. Техникалық қолдау төмендегі жолмен ұсынылады:
-мобильді қолданбаның «Қолдау» бөлімінде;
-www.rekassa.kz сайтында 8*5 уақыты бойынша (аптасына 8 сағаттан 5 күн жұмыс уақытында);
-help@rekassa.kz электрондық поштасы бойынша.

6.1. Мобильді қолданбаны мобильді телефонға, смартфонға, планшетке орнату жəне/немесе веб-қолданбасын пайдалану, сондай-ақ БКМ-ді кез келген формада пайдалануды бастау Қазақстан Республикасы Азаматтық кодексінің 396-бабына сəйкес, Офертаның акцепті болып танылады, бұл Пайдаланушымен Келісімнің барлық шарттарын қандай да бір алып тастаусыз немесе шектеусіз қосылу шарттарында, оның ішінде осы Келісімнің № 1 Қосымшасына сәйкес деректерді жинауға және өңдеуге келісім беріп, толығымен қабылдау дегенді білдіреді.

Егер Пайдаланушы бұл Келісіммен, сондай ақ БКМ-ді пайдалану шарттарымен, ережелерімен жəне қағидаларымен келіспесе, оларды ұстанғысы келмесе, онда ол БКМ-ді тез арада құрылғысынан жоюы жəне/немесе оны пайдалануды доғаруы керек.

БКМ-ді пайдаланар алдында Пайдаланушы Келісіммен танысуға міндеттеледі. Келісімнің шарттарымен толығымен немесе қандай да бір бөлігімен келіспеген жағдайда, Пайдаланушының БКМ-ді пайдалануға құқығы болмайды.

Келісім және Пайдаланушының қандай да бір арнайы хабарламасынсыз, біржақты тəртіпте Құқық иесімен жүргізілуі мүмкін барлық кейінгі өзгерістер немесе оған толықтырулар Келісімнің жаңа редакциясында қарастырылмаған болса, rekassa.kz интернет-сайтында жарияланады.

Пайдаланушы кез келген ықтимал өзгерістерді өзі қадағалауға міндеттеледі.

7.1. Құқық иесі Пайдаланушыға қосымша функционалды пайдалану мүмкіндігін береді.

7.2. Осы Офертаның акцептімен функционалды қамтамасыз ету мақсатында Пайдаланушы осы Офертаның 7.1-тармағына сәйкес қосымша функционалды ұсынуға және Құқық иеленушіге Пайдаланушының тауарларын/қызметтерін сату туралы ақпаратты және үшінші тарап ресурстарынан басқа ақпаратты, сондай-ақ оның клиенттерінің жеке деректерін алуға келісімін растайды. Пайдаланушы ҚР қолданыстағы заңнамасының ережелеріне сәйкес Құқық иесіне берілген жеке деректерді жинауға, өңдеуге, сақтауға және беруге жеке тұлғалардың - клиенттердің қажетті тиісті түрде ресімделген келісімдері бар екеніне Құқық иесіне кепілдік береді. Пайдаланушы мен үшінші тарап ресурстары арасындағы қарым-қатынас тек Пайдаланушы мен осындай үшінші тарап ресурстары арасындағы келісімдермен реттеледі. Олар бойынша Пайдаланушыға дербес жауапкершілік жүктеледі. Құқық иесіне Пайдаланушының үшінші тарап ресурстарымен қарым-қатынасына ешбір жағдайда жауапкершілік жүктелмейді.

7.3. Егер Пайдаланушы осы функцияны пайдаланғысы келсе, ол БКМ-дегі тиісті параққа өтеді. Тиісті бетке өткеннен кейін пайдаланушы нұсқаулыққа сәйкес функционалдылықты қосады.

8.1. Пайдаланушыға БКМ-ді пайдаланудан алынған нəтижелері нақты жəне сенімді болатынына, БКМ-нің Пайдаланушының талаптарына сəйкес келетініне қандайда бір кепілдіктер ұсынылмайды.

Құқық иесі өзінің меншікті ресурстарының шегінен тыс ақпараттық арналардың (Интернет) жұмысқа қабілетсіздігінен жəне/немесе үшінші тұлғалардың əрекетінен жəне басқа да себептерге байланысты БКМ-ді толыққанды пайдалану мүмкіндігінің болмауына жəне оның жұмысындағы іркілістерге, ақауларға жауап бермейді.

Пайдаланушы БКМ-ді орнату жəне жұмыс істеуі үшін үшінші тұлғалар өндірген жəне ұсынған жабдықты (принтерді, штрих-кодтар сканеріжəне т.б.) пайдалану қажет екеніне жəне Құқық иесі олардың жұмысының сапасына жауапты болмайтынына келісім береді.

8.2. Пайдаланушы өздігімен фискалды деректер операторымен келісім жасасуға, салық органдарында тіркелуге, есепке тұруға (есептен шығуға) жəне осы Келісімге сəйкес, БКМ-ді заңды қолдануды қамтамасыз ету мақсатында Қазақстан Республикасы заңнамасында қарастырылған басқа да əрекеттерді орындауға міндеттеледі.

Пайдаланушы БКМ-ді қолданумен байланысты барлық тәуекелдерді өз мойнына алады.

9.1. Құқық иесі Пайдаланушының немесе үшінші тұлғалардың алдында шарттың күшіне, құқық бұзушылық салдарына (ұқыпсыздықты қоса алғанда), БКМ-ді пайдаланумен байланысты немесе салдарынан туындаған кез келген залал немесе шығындар үшін (жанама, нақты, салдарын ескере отырып), коммерциялық қызмет табысына қатысты алынбаған табыс, іскерлік бедел, ақау келген немесе жоғалған деректер немесе құжаттарға қатысты басқа да жағдайларға, тіпті Құқық иесіне осындай шығынның туындау ықтималдығы туралы белгілі болса да жауап бермейді.

10.1. БКМ-ді пайдалану кезінде Қазақстан Республикасының қолданыстағы заңнамаларының талаптарын және үшінші тұлғалардың барлық құқықтары мен заңды мүдделерін ұстану бойынша Пайдаланушыға дербес жауапкершілік жүктеледі.

Үшінші тұлғалар Пайдаланушының БКМ-ді қолданудағы әрекетінен (әрекетсіздігінен) туындаған талаптарын Құқық иесіне ұсынған жағдайда Пайдаланушы үшінші тұлғалармен туындаған дауларды өзі реттейді, сондай ақ Құқық иесінің бірінші талабы бойынша залал мен шығындарды өтейді. Бұл ретте Пайдаланушы Құқық иесінің мүдделерін (қандай да бір уәкілеттіксіз) қорғауға, оны жауапкершіліктен босатуға, Пайдаланушының әрекеті немесе әрекетсіздігінен туындаған кез келген шағымдар мен міндеттемелерге байланысты шығын келтіруден қорғауға міндеттеледі.

11.1. Құқық иесі Пайдаланушыны БКМ-ді пайдаланудың тəртібі мен тәсілдері туралы, Құқық иесі, оның серіктестері жəне клиенттері жүргізетін маркетингтік, жарнамалық жəне басқа да іс-шаралар туралы, БКМ-ді пайдаланудағы үшінші тұлғалардың қызметтерін сатып алу жəне пайдалану шарттары туралы Абоненттік құрылғысына жəне электрондық пошталарына жарнамасы бар хабарлама жіберу жолымен, соның ішінде мобильді құрылғыны қоса алғанда, байланыс желілері арқылы, Құқық иесіне қолжетімді кез келген тəсілімен ақпараттандыруға құқылы. Сонымен бірге, Пайдаланушы БКМ-нің функционалын іске асыру немесе оны пайдалану мақсатына қажетті сервистік қысқа мəтіндік хабарламалар алуға келіседі.

12.1. Құқық иесі осы Келісімнің № 1 Қосымшасына сәйкес Пайдаланушы ұсынған деректерді жинауға және өңдеуге келісім беру негізінде Келісімде көзделген міндеттемелерді орындау шеңберінде өңделгендерді қоса алғанда, дербес деректердің операторы болып табылады. Келісімнің мақсаттары үшін деректер деп Қазақстан Республикасының заңнамасына сәйкес және осы Келісімнің № 1 Қосымшасына сәйкес деректерді (бұдан әрі - «Деректер») жинауға және өңдеуге келісім беретін мәліметтер қарастырылады.

12.2. Осы Келісімді Офертаны акцептеу арқылы жасай отырып, Пайдаланушы Құқық иесіне осы Келісімнің № 1 Қосымшасына сәйкес Деректерді жинауға, өңдеуге және беруге келісімін береді және құқық иеленушіге үшінші тұлғаларға (осы Келісімде көзделген шектеулерді сақтай отырып) жинау, жинақтау, сақтау, пайдалану, тарату, беру, иесіздендіру, бұғаттау және жою құқығын береді. Пайдаланушының дербес деректері және құқық иеленуші оны беру процесінде алатын өзге де ақпарат БКМ қызметтері, тәртіппен, Қазақстан Республикасының заңнамасында және осы Офертада көзделген және сілтеме бойынша орналастырылған құқық иеленушінің дербес деректерін өңдеу саясатының шарттарымен толық келіседі және қабылдайды https://rekassa.kz/kz/personal-data-processing-policy.

12.3. Құқық иесі стандартты салалық технологиялар мен əдістер негізінде Дербес деректер үшінші тұлғалардың рұқсатсыз қол жеткізуінен қорғауға қажетті жеткілікті шараларды қолданады.

12.4. Пайдаланушы БКМ-ді қолданаотырып, өзінің дербес деректерін Құқық иесі автоматтандыру құралдарын қолдану арқылы және қолданбай да өңдейтініне келіседі. Құқық иесі Пайдаланушылар есептік жазбаларын құру кезінде ерікті жəне саналы түрде ұсынған дербес деректерін БКМ-ді пайдалануға, соның ішінде Пайдаланушыны ФДО қызметтеріне қосу процесі кезінде, коммерциялық банктердің қолданбаларын пайдаланғанда, БКМ-мен интеграцияланған түрлі онлайн-қызметтерді қолданғанда қажет болса, жинай алады. Жинауға, өңдеуге және беруге рұқсат етілген Деректер нақты Пайдаланушыға қатысты немесе олардың негізінде анықталған, электрондық, қағаз және (немесе) басқа да материалдық жеткізгіштерде жазылған мәліметпен/ақпаратпен шектелмеуі керек, оның ішінде, қоспағанда: тегі, аты, әкесінің аты (бар болса), атының транскрипциясы, жеке немесе басқа сәйкестендіру нөмірі (егер Пайдаланушы оны Құқық иесіне берсе); толық туған күні; жеке басын куәландыратын құжаттың деректері (егер Пайдаланушы оны Құқық иесіне берсе) және басқа құжаттар (паспорт, жүргізуші куәлігі және т.б.); мемлекеттік мекемелерден анықтамалар (медициналық, наркологиялық және т.б.); телефон нөмірі; электронды пошта мекенжайы; тұрғылықты мекенжайы; Пайдаланушының бейнесі (фотография, аватар және т.б.) (егер Пайдаланушы оны Құқық иесіне берсе); биометриялық деректер; сәйкестендіргіштер (тіркеулік жазбалардың атауы және Пайдаланушы таңдаған сәйкестендіргіштер); ұйымның атауы мен мекенжайы; ЭҚЖЖ; сауда нүктесінің атауы мен мекенжайы; жасы; сатып алу қалаулары; сату чектері туралы деректер; телефон кітапшасының контактілері (Компанияның/үшінші тұлғалардың мобильді қосымшаларын пайдалану кезінде); Пайдаланушы құрылғысының камерасынан алынған суреттер; цифрлық құжаттар; мобильді құрылғының микрофонынан дыбыс жазу; пайдаланушы құрылғысының үлгісі және оның операциялық жүйесі мен браузері және (немесе) Интернетке қосылу түрі туралы деректер; Пайдаланушы жататын нарық сегменті; Пайдаланушының салық резиденттігі және салық идентификаторы туралы мәліметтер; Компанияның қолдау және сату қызметінің өкілдерімен байланыс жазбалары; Пайдаланушының құрылғысын сәйкестендіретін ақпарат; Интернеттегі сайттарда жарияланған Пайдаланушының ашық пікірлері; IP-мекенжайы және (немесе) e-SIM және (немесе) SIM картасы және (немесе) GPS (жаһандық позициялау жүйесі) арқылы алынған Пайдаланушының орналасқан жері туралы деректер; Интернетте Пайдаланушы кірген веб-сайттар туралы ақпарат; Пайдаланушының Интернетте сатып алулары туралы ақпарат және аналитикаға арналған басқа метадеректер (куки және т.б.); Пайдаланушы жариялаған немесе Интернетте қаралған мазмұн; сондай-ақ әлеуметтік желілердегі Пайдаланушы туралы жалпыға қолжетімді ақпарат; банктік құпияны, сақтандыру құпиясын, бағалы қағаздар нарығындағы коммерциялық құпияны және заңмен қорғалатын өзге де құпияны құрайтын мәліметтер/деректер; БКМ, коммерциялық банктердің төлем қосымшаларын, БКМ біріктірілген әртүрлі онлайн қызметтерді пайдалана отырып, Пайдаланушыны ФДО сервистеріне қосу процесінде Компания Пайдаланушыдан немесе оған қатысты алуы мүмкін мәліметтер/деректер.
12.5. Құқық иесі дербес деректерді мына мақсаттарда, жинай, қолдана және бере алады:
-Пайдаланушыға қызмет көрсету, соның ішінде БКМ-ді пайдалану құқығынұсыну мақсатында;
-Пайдаланушыға хабарламалар жіберу;
-Пайдаланушыларға қолдау көрсету;
-Мақсатты аудиторияға жарнамалық материалдарды жіберу және құқық иеленушінің серіктестерімен телефон қоңыраулары мен смс-хабарламалар, мессенджерлер арқылы тарату, мақсатты жарнама, жарнамалық материалдарды электрондық пошта арқылы атаулы тарату арқылы құқық иеленуші, оның серіктестері мен клиенттері жүргізетін жеңілдікті ұсыныстар, акциялар, маркетингтік, жарнамалық және өзге де іс-шаралар туралы хабарлау.

12.6. Құқық иесі нақты Пайдаланушыға қатысты емес, анонимді (иесіз) ақпаратты жинай алады. Мұндай ақпаратқа Пайдаланушының БКМ-ді пайдалану нəтижесінде Құқық иесіне қолжетімді болатын, жасырылмаған кез келген ақпарат жатады. Осындай ақпарат статистика жүргізу үшін жиналады жəне Пайдаланушыға қызмет көрсетуді жақсарту, сондай ақ БКМ-нің интерфейсін жетілдіру үшін де қолданылады.

12.7. Құқық иесі мынадай жағдайларды қоспағанда, үшінші тұлғаларға бермейді және дербес деректерді таратпайды:

(1) Дербес деректер субъектісі мұндай ашуға алдын ала келісімін білдірді;

(2) беру тарапы не пайда алушы немесе кепілгер болып табылатын, дербес деректер субъектісі болып табылатын шартты орындау үшін, сондай-ақ дербес деректер субъектісінің бастамасы бойынша шарт немесе ол пайда алушы немесе кепілгер болып табылатын шарт жасасу үшін қажет;

(3) беру сервисті жақсарту пайдаланушыларға қызметтер көрсету және/немесе олар серіктестердің қызметтерін алу мақсатында Құқық иесінің серіктестеріне жүзеге асырылады;

(4) Компания және үшінші тұлғалар арасындағы келісім бойынша міндеттемелерді орындау мақсатында;

(5) беру Дербес деректер субъектісінің бастамасымен жүзеге асырылады және сот төрелігін жүзеге асыру, сот актісін, Қазақстан Республикасының Атқарушылық іс жүргізу туралы заңнамасына сәйкес орындалуға жататын басқа органның немесе лауазымды адамның актісін орындау үшін қажет;

(6) ҚР қолданыстағы заңнамасында көзделген өзге де жағдайлар.

13.1. Келісімді орындау барысындағы даулар мен келіспеушіліктер, мүмкіндігінше Тараптар арасындағы келіссөздер арқылы шешілетін болады.

13.2. Тараптармен дауларды шешу бойынша сотқа дейінгі міндетті (кінарат-талап) тəртіп бекітіледі. Кінарат-талапқа жауап беру уақыты, кінарат-талаптың түп нұсқасын пошта арқылы немесе электронды көшірмесін электронды пошта арқылы қабылдаған күннен бастап 10 (он) жұмыс күніне дейінгі уақытты құрайды.

13.3. Егер келіспеушіліктер келіссөздер арқылы шешілуге келмесе, онда олар Астана қаласының Мамандандырылған ауданаралық экономикалық сотында қарастырылады. Пайдаланушылар өздерінің құқықтық қабілетін жəне іс-əрекет қабілетін, сондай-ақ, Құқық иесімен келісім-шарттық қарым-қатынасқа түсуге өздерінің заңды құқықтарын растайды.

13.4. Келісім мəтінінде əркелкі оқылу орын алған жағдайда, Келісімнің орыс тіліндегі нұсқасы басымдыққа ие болады.

Деректерді жинауға және өңдеуге осы келісімді (бұдан әрі - Келісім) Пайдаланушы (бұдан әрі - Субъект) Қазақстан Республикасының қолданыстағы заңнамасының нормаларына сәйкес БСН 180 140 005 198 «COMRUN» жауапкершілігі шектеулі серіктестігіне (бұдан әрі - Оператор) береді.

A) Операторға Келісім беріледі:

1. Деректерді жинауға және өңдеуге (осы Келісімнің B тармағында анықталғандай):
(a) мобильді телефонға, смартфонға, планшетке мобильді қолданбаны орнату және/немесе веб-қолданбаны пайдалану, сондай-ақ кез келген нысанда БКМ пайдалануды бастау; немесе
(b) Субъектіні веб-сайтта, Оператордың мобильді қолданбасында немесе Оператордың басқа электрондық ресурсында тіркеу және (немесе) авторизациялау; немесе
© электрондық цифрлық қолтаңба арқылы (өз қолымен) қол қоюмен шектелмейтін кез келген тәсілмен қағазда немесе электрондық тасымалдағышта Келісімге қол қою, Оператор немесе оның агенті Субъектінің мобильді телефон нөміріне SMS-хабарлама арқылы немесе web арқылы немесе басқа бағдарламалық қосымшада жіберген бір реттік кодты (one-timepassword) пайдалану арқылы қол қою; немесе
(d) қажет болған жағдайда Оператордың кеңселеріне бару; немесе
(e) Оператордың электрондық ресурстарына бару, оның ішінде Сookies немесе Субъект деректерін жаза алатын басқа саясаттарды, хаттамаларды, бағдарламалық және аппараттық құралдарды қабылдау арқылы; немесе
(f) Оператордың өнімдерін немесе қызметтерін пайдалану,

2. жеке деректермен шектелмейтін Деректерді, банк құпиясын, сақтандыру құпиясын, бағалы қағаздар нарығындағы коммерциялық құпияны және заңмен қорғалатын басқа да құпияны құрайтын деректерді Оператордың үлестес тұлғаларының, Оператор агенттерінің және кез келген басқа үшінші тұлғалардың (бұдан әрі бірлесіп — «Үшінші тұлғалар») пайдасына беру, егер Деректерді беру қолданыстағы заңнама талаптарына сәйкес Операторды немесе Үшінші тұлғаларды Субъектіге өнімдер мен қызметтермен қамтамасыз ету мақсатында немесе Оператор мен осы Үшінші тұлғалар арасындағы келісім бойынша міндеттемелерді орындау мақсатында талап етіледі. Субъект Деректердің Оператордың немесе Үшінші тұлғалардың дерекқорларына енгізілуі мүмкін екендігімен келіседі, онда Субъектінің жеке деректері Оператордың қатысуынсыз кейіннен өңделуі мүмкін; Оператор үшінші тұлғалардан берілген деректердің құпиялылығын қамтамасыз етуді талап етуге міндеттенген жағдайда;

3. осы келісімде көрсетілген Деректерді жинау және өңдеу мақсаттары үшін қажет болған жағдайларда, Деректер операторының Қазақстан Республикасының аумағынан тыс мемлекеттердің аумағына трансшекаралық беруі.
Субъект Деректерді беруге болатын елдерде Қазақстан Республикасының қолданыстағы заңнамасында көзделгеннен төмен деректерді сақтау шарттары мен талаптары болуы мүмкін екендігімен және осы елдердегі деректер операторлары оларға тиісті қорғауды қамтамасыз ете алмайтынымен келіседі.

B) Осы Келісімде «Деректер» нақты Субъектігеқатысты немесе олардың негізінде анықталған, электрондық, қағаз және (немесе) басқа да материалдық жеткізгіштерде жазылған мәліметпен/ақпаратпен шектелмеуі керек, оның ішінде, қоспағанда: тегі, аты, әкесінің аты (бар болса), атының транскрипциясы, жеке немесе басқа сәйкестендіру нөмірі (егер Субъект оны Операторға берсе); толық туған күні; жеке басын куәландыратын құжаттың деректері (егер Субъект оны Операторға берсе) және басқа құжаттар (паспорт, жүргізуші куәлігі және т.б.); мемлекеттік мекемелерден анықтамалар (медициналық, наркологиялық және т.б.); телефон нөмірі; электронды пошта мекенжайы; тұрғылықты мекенжайы; Пайдаланушының бейнесі (фотография, аватар және т.б.) (егер Субъект оны Операторға берсе); биометриялық деректер; сәйкестендіргіштер (тіркеулік жазбалардың атауы және Субъект таңдаған сәйкестендіргіштер); ұйымның атауы мен мекенжайы; ЭҚЖЖ; сауда нүктесінің атауы мен мекенжайы; жасы; сатып алу қалаулары; сату чектері туралы деректертелефон кітапшасының контактілері (Оператордың/Үшінші тұлғалардың мобильді қосымшаларын пайдалану кезінде); Субъект құрылғысының камерасынан алынған суреттер; цифрлық құжаттар; мобильді құрылғының микрофонынан дыбыс жазу;Субъект құрылғысының үлгісі және оның операциялық жүйесі мен браузері және (немесе) Интернетке қосылу түрі туралы деректер;Субъект жататын нарық сегменті; Субъектінің салық резиденттігі және салық идентификаторы туралы мәліметтер;Оператордың қолдау және сату қызметінің өкілдерімен байланыс жазбалары; Субъектінің құрылғысын сәйкестендіретін ақпарат;Интернеттегі сайттарда жарияланған Субъектінің ашық пікірлері;IP-мекенжайы және (немесе) e-SIM және (немесе) SIM картасы және (немесе) GPS (жаһандық позициялау жүйесі) арқылы алынған Субъектінің орналасқан жері туралы деректер;Интернетте Субъект кірген веб-сайттар туралы ақпарат; Субъектінің Интернетте сатып алулары туралы ақпарат және аналитикаға арналған басқа метадеректер (куки және т.б.);Субъект жариялаған немесе Интернетте қаралған мазмұн; сондай-ақ әлеуметтік желілердегі Субъект туралы жалпыға қолжетімді ақпарат;банктік құпияны, сақтандыру құпиясын, бағалы қағаздар нарығындағы коммерциялық құпияны және заңмен қорғалатын өзге де құпияны құрайтын мәліметтер/деректер;Оператор Субъектіден немесе оған қатысты алуы мүмкін мәліметтер/деректер.

C) Субъект Деректері келесі мақсаттар үшін жиналады және өңделеді (тізім түпкілікті болып табылмайды): Оператордың және Үшінші тұлғалардың өнімдерді ұсыну және қызметтерді көрсету, оның ішінде қаржылық қызметтерді, маркетингтік және жарнамалық белсенділіктерді, зерттеулерді, науқандарды жүргізу, Субъектіге кез келген ақпараттық материалдарды, оның ішінде өнімдер және (немесе) қызметтер туралы ұсыну (жіберу) бойынша қызметін жүзеге асыру. және (немесе) Оператордың және Үшінші тұлғалардың ұсыныстары, сондай-ақ телефон, факсимильді және басқа да байланыс түрлері арқылы басқа хабарламалар, сондай-ақ ашық байланыс арналары арқылы (соның ішінде SMS-хабарламалар, электрондық пошта, push-хабарламалар, дауыстық хабарламалар, қашықтан қол жеткізу жүйелері, әлеуметтік желілер және т.б.), сондай-ақ QR-кодтарын немесе штрихкодтарды пайдалана отырып төлем жасау үшін, телефон кітапшасының контактілерінен төлем немесе қызмет алушыны таңдау үшін, Оператордың және/немесе үшінші тұлғалардың мобильді қолданбасында Субъект аватарын/фотосын көрсету үшін, цифрлық құжат қызметтеріне/қызметтерінен/Субъектінің цифрлық құжаттарын қабылдау және ұсыну, Оператор/Үшінші тұлғалар өкілдерімен дауыстық байланыс үшін; Субъектіге тауарларды жеткізгені және қызметтер көрсеткені үшін; Оператордың/Үшінші тұлғаның қылмыстық жолмен алынған кірістерді заңдастыруға (жылыстатуға) және терроризмді қаржыландыруға қарсы іс-қимыл талаптарын сақтауына байланысты тексерулер жүргізу үшін; Оператор клиенттерін Субъектілердің алаяқтық әрекеттерінен қорғау үшін.

D) Субъектінің дербес деректерін Оператор және (немесе) үшінші тұлғалар жалпыға қолжетімді көздерде, Субъектіден осы әрекеттерді орындауға тиісті жазбаша келісім алған жағдайларды қоспағанда, тарата алмайды.

E) Осы Келісім Оператор қызметінің бүкіл кезеңіне немесе жаңартылған келісім берілген және Субъектке хабарланған күнге дейін беріледі.