Бұл құжат – Қазақстан Республикасы Азаматтық кодексінің 395-бабына сәйкес жария оферта (бұдан былай – «Оферта») және азаматтық айналымда кәсіпкерлер санатында көрінетін шектеусіз заңды және жеке (кәмелет жасқа толған) тұлғалар шеңберіне қаратылған (бұдан былай – «Қолданушылар») «COMRUN» жауапкершілігі шектеулі серіктестігінің, БСН 180140005198 (бұдан былай – «Құқық иесі») Келісімнің ажырамас бөлігі саналатын, төменде айтылған шарттармен осы Қолданушы келісімін жасауға ұсыныс.

Қолданушы – осы Келісімнің шарттарын қабылдаған және/немесе Сервисті қолданатын жеке тұлға және/немесе заңды тұлға. Осы Шарт аясында Қолданушы деп Сервисті осы Офертада белгіленген ретпен және шартпен қолданатын тұлға аталады.

Re:salyq (бұдан былай – Сервис) – re:Kassa сервисінің бір бөлігі, 910.00 нысанды қаржы салық есептілігін электрондық есеп түрінде құратын бұлттағы сервис.

re:Kassa – Бақылау-касса машиналарының мемлекеттік реестрінде (бұдан былай – «Реестр») 253-нөмірмен тіркелген, Қолданушыларға Қазақстан Республикасы аумағында Қазақстан Республикасы заңнамасына сәйкес ақшалай есеп айырысуды іске асыруда қолдану үшін https//app.rekassa.kz адресіндегі веб-қосымша және/немесе iOS және Android платформаларына арналған мобайл қосымша түрінде, бағдарламалық жасақтама экземплярын уақытша қолдану құқығымен берілетін, деректерді тіркеп, өткізу функциясы бар «re:Kassa» бақылау-касса аппараты», 3.0 нұсқасы.

Жеке деректер – қолданушы сайтта өз еркімен және тегін жариялайтын, қолданушыны сәйкестендіруге мүмкіндік беретін ақпарат, соның ішінде байланыс ақпараты.

1.1. Қолданушы осы келісімнің (бұдан былай – Келісім) шарттарын қабылдай отырып, мына шарттарға келіседі:
Осы келісім Қазақстан Республикасы Азаматтық кодексінің 395-бабына сәйкес жария оферта болып табылады. Қолданушы осы Келісімді шартсыз-сөзсіз қабылдағанының белгісі (Қазақстан Республикасы Азаматтық кодексінің 395-бабына сәйкес Қолданушы осы Келісімді акцепт жасағанының) – Қолданушының Сервисте тіркелуі және тіркелген-тіркелмегеніне қарамастан кез келген функцияны қолдануы.

1.2. Қолданушы осы келісімің шарттарын тек толық көлемде қабылдай алады. Келісім шарттарын орындаудан ішінара бас тартуға жол берілмейді.

1.3. Қолданушының Сервисте істеген әрекеттерінің бәрі осы Келісімнің шарттарымен танысқан тұлғаның әрекеті болып саналады. Қолданушы осы Келісімнің шарттарын білмедім деп сілтеуі Қолданушының осы Келісім шарттарын орындамауына негіз бола алмайды.

1.4. Осы Келісімді де, оған қосымшаларды да Құқық иесі біржақты тәртіппен, Сервистің әр Қолданушысына жеке-жеке ескертпестен, өз бетімен өзгерте алады.

2.1.Құқық иесі Қолданушыға осы Офертаның шарттарына сәйкес, Сервиске қол жеткізу мүмкіндігін беру арқылы Сервисті қолдану құқығын береді.

2.2. Қолданушыға берілген Сервисті қолдану құқығы көлеміне Сервисті оның тікелей функционалына қарай қолдану кіреді. Сервистің толыққанды жұмыс істеуінің міндетті шарты – Қолданушының Абоненттік құрылғысында Интернет желісі бары/қосылып тұрғаны.

2.3. Осы Келісім тек Қазақстан Республикасының аумағында әрекет етеді.

3.1.Қолданушыға Сервиске қол жеткізу құқығы re:Kassa (https://app.rekassa.kz/agreement.html) бағдарламалық жасақтамасында тіркеліп, re:Kassa бағдарламалық жасақтамасынан және/немесе Қолданушы толтырған өзге деректерден алынған деректер көмегімен 910.00 нысандағы қаржы салық есептілігін құру үшін мемлекеттік кірістер органдарында кем дегенде бір касса тіркету керек деген шартпен беріледі.

3.2. Қолданушыға Сервисті қолдану құқығы тегін беріледі.

3.3. Сервисті қолдану аясында деректер дұрыс толтырылғанына және/немесе өзге деректер берілгеніне Қолданушы толық жауап береді.

4.1.Қолданушы профилактика жұмыстары жүріп жатқан уақыттан өзге кездің бәрінде Сервиске тәулік бойы қол жеткізуге қақылы.

4.2. Қолданушы өзінің жеке бас деректерінің жария болып кетуіне, жоғалуына, ұрлануына және т.б. себеп болған әрекеттеріне және/немесе әрекетсіздігіне, сондай-ақ Қолданушының аккаунт деректерін пайдаланатын үшінші тұлғалардың әрекеттеріне және/немесе әрекетсіздігіне толық жауап береді.

4.3. Үшінші тұлғаларға, өзге қолданушыларға не сайтқа залал келтірілген жағдайда, Қолданушы сол залалды Қазақстан Республикасының қолданыстағы заңнамасына сәйкес толық көлемде және толық мөлшерде өтеуге міндетті болады.

5.1. Құқық иесі Сервистің нұсқаулықта сипатталған функцияларды орындап тұруын қамтамасыз етуге міндетті.

5.2. Құқық иесі профилактика жұмыстары жүріп жатқан уақыттан өзге кездің бәрінде Сервиске тәулік бойы қол жеткізу мүмкіндігін қамтамасыз етуге міндетті.

5.3. Құқық иесі кез келген уақытта және кез келген себеппен, соның ішінде Қолданушының қажетін өтеу не бәсекеге қабілетін арттыру үшін, Қазақстан Республикасының қолданыстағы заңнамасы сақталсын деп те Сервисті модификациялауға не Сервистің жаңа нұсқасын шығаруға қақылы.

5.4. Құқық иесі Сервиске жаңа сипаттар не функция мүмкіндіктерін қосуға немесе Сервистен бар сипаттар мен функция мүмкіндіктерін алып тастауға қақылы.

5.5. Құқық иесі қолданушыларға алдын ала ескертпестен Сервисті жауып тастауға, жұмысын тоқтата тұруға, Сервисті не оның бір бөлігін өзгертугеқақылы.

6.1. Осы Келісім шарттарды қабылдаған сәттен бастап күшіне енеді және жарамдылық мерзімі анықталмаған болады.

6.2. Құқық иесі осы Келісімнің шарттарына біржақты тәртіппен, сайтта жариялап өзгеріс енгізуге қақылы. Дауа туа қалған жағдайда Келісімнің Сайтта жарияланған нұсқасы Келісімнің өзге нұсқаларынан басым түседі.

6.3. Қолданушы осы Келісімнің шарттарын бұзған жағдайда, Құқық иесі шартты мерзімінен бұрын бұзып, Қолданушыға ескертпестен сол арада оның Сервиске қол жеткізуіне бұғат салуға қақылы.

6.4. Қолданушы Акцепт жасаған кезде оның Жеке деректері Жиналып, Өңделуіне қатысты қатынастарды реттейтін заңнамаға сәйкес, Қолданушы Операторға және үшінші тұлғаларға Қолданушының Жеке деректерін заңнамаға қайшы келмейтін тәсілдермен, Қолданушы келісімінде реттелетін мақсаттарға сәйкес Жинауға, Өңдеуге, шекара асырып (қажетіне қарай) беруге, Орындаушымен арада бар не жаңа туатын не келешекте тууы мүмкін кез келген азаматтық-құқықтық және/немесе өзге де құқықтық қатынастарға сәйкес, Оператордың өз қарауына қалдырылатын, соның ішінде жалпы жұртшылық қол жеткізе алатын дереккөздерде жариялауға сөзсіз келісімін береді.

6.5. Осы Келісімді жасасқан тараптар Қазақстан Республикасының заңнамасына сәйкес жауапкершілік арқалайды.

6.6. Құқық иесі Қолдаушы жариялаған деректердің (соның ішінде Жеке деректердің) растығын, толықтығын, нақтылығын және өзектілігін қамтамасыз етуге жауап бермейді. Қолданушыдан алынған деректердің бәрі Қолданушы Сервистің веб-формаларын толтырған кезде алынған күйінде өңделеді.

6.7. Құқық иесі Қолданушының ұйымдық не өзге шараларды ұстанбауы салдарынан, Қолданушы жеке деректерін өңдеуге өкілеттік бермеген тұлғалар оның жеке деректеріне қасақана не байқаусызда қол жеткізгеніне, оған қоса олардың жойылып кетуіне, өзгеріп кетуіне, бұғатталып қалуына, көшіріліп не тарап кетуіне себеп болған әрекеттеріне, сондай-ақ Қолданушының және/немесе үшінші тұлғалардың қызметкерлерінің өзге де қасақана әрекеттеріне жауап бермейді.

6.8. Осы Келісімнің шарттарын қабылдап, Қолданушы қосымша ақпарат алуға және тіркелген кезде көрсетілген адрес пен телефон арқылы ақпараттың таратылым алуға келісім береді.

6.9. Осы офертаның шарттарын қабылдап, Қолданушы өзінде өзіне тиесілі ақпаратты, соның ішінде Жеке деректерін Сервисті қолдана отырып өңдеуге заңды негіздері бар екенін растайды.

6.10. Қолданушының кез келген сұрақтары мен пікірлерін, өзге де хат-хабарын Құқық иесіне help@rekassa.kz электрондық поштасына жолдау керек. Құқық иесі Қазақстан Республикасының қолданыстағы заңнамасында көзделгенінен өзге жағдайларда сұраным, сұрақ, ұсыныс және өзге де ақпаратқа жауап бермейді және жауап беру мүмкіндігіне кепілдік бермейді.