Онлайн-касса деген не және ол бизнеске неге керек?

Кәсіпкерлер салық есебін тапсырғанда қиналмайын десе, онлайн-касса қолданғаны дұрыс. Қазақстанда жеке кәсіпкерлер мен түрлі саладағы компанияларға оны қолдану міндетті. Мақалада онлайн-кассалар қандай болатынын және олардың бизнеске беретін артықшылықтары қандай екенін айтып береміз.

Онлайн-касса деген не?

Бұл сату деректерін есепке алып, автоматты түрде салық органдарына жолдауға арналған құрылғы немесе веб-сервис. Касса фискалдық құжаттарды — касса чектерін, түбіртектерді, тауарды ауыстыру және қайтару туралы есептерді қалыптастырады. Содан кейін ол деректерді шифрлап, фискалдық дискіде сақтайды да, салық органдарына жолдайды.

Онлайн-кассаның екі түрі бар:

1. Аппарат (БКМ). Кәдімгі касса аппараты сияқты жұмыс істейтін заттай құрылғы. Алайда оның кіріктірілген фискалдық дискісі және интернет модулі бар, ол арқылы мәліметтер автомат түрде салық органына жолданады.

2. Виртуал. Компьютерге, смартфонға немесе планшетке орнатылатын бұлттағы қызмет. Деректердің бәрі серверлерде сақталады және операциядан кейін бірден желіде тасымалданады.

Онлайн-кассаның стандарт бақылау-касса машиналарынан айырмашылығы неде?

Онлайн-касса деген — ақшалай есеп айыру деректерін автоматты түрде тіркейтін және салық органдарына жолдайтын бақылау-касса машинасы (БКМ) немесе веб-сервис.

Сондай-ақ ескі үлгідегі БКМ бар. Бұл — стационар аппарат, ол сатып алушылармен ақшалай есеп айыруға да қолданылады. Алайда онлайн-кассадан айырмашылығы, оның интернетке кіру мүмкіндігі жоқ — кәсіпкер деректердің бәрін салық органына өз бетімен жолдауға тиіс. Онлайн бақылау-касса машинасында деректер автомат түрде жолданып отырады. Ал егер интернет тұрақсыз болса, төлемді өткізе беруге болады, интернет қосылған соң деректер салық органдарына кете береді.

Ескі үлгідегі БКМ салық органына ақпарат беруді қажет етпейтін шағын сауда нүктелеріне, мысалы, интернетке қосыла алмайтын кәсіпкерлерге қолайлы. Интернет-кассалар бөлшек сауда дүкендерінен фитнес орталықтарына дейін кез келген шағын және орта бизнеске жарамды.

Стандарт, онлайн БКМ және веб-сервис арасындағы айырмашылықтарды толығырақ кестеде қарастырайық.

Функционалдық;Сатылымдарды тіркеп, қағаз түбіртектер шығарады. Операциялар туралы мәліметтер құрылғыда сақталады және есепті кезеңнің аяғында салық органына қолдан тапсыру керек болады.;Деректерді интернет арқылы салық органдарына автомат түрде жолдайды. Кәсіпкерге фискалдық құжаттарды өзі жинайды, салық органына тапсырудың қажеті жоқ.;Сатылымдарды тіркейді, деректерді салық органдарына автоматты түрде жолдайды, электрондық түбіртектерді шығарады. Оларды SMS не email арқылы жолдауға болады. Қызмет көрсету;Сервис орталықтарында жүйелі түрде жаңартып тұруды талап етеді.;Сервис интернет арқылы автомат түрде жаңартылады. Істен шыққан жағдайда кәсіпкер қолдау қызметіне хабарласып, мәселені жедел шеше алады.;Интернет арқылы автомат түрде жаңарып отырады. Сервистермен интеграция;Интеграциясы бар бағдарламалардың бәріне жүре бермейді. Орнату үшін техникалық қызмет көрсету орталығына бару керек.;Кей жүйелермен шектеулі интеграциясы бар.;Түрлі қызметтермен, мысалы, 1С, Бухучет бірлесіп жұмыс істеу мүмкіндігі бар. Ұтқырлық;Бір жерде орнатылатын стационар құрылғы.;Деректерді беру функциясы бар заттай аппарат.;Смартфон, планшет және компьютерлерде қосымша есебінде жұмыс істейді.

Бизнеске арналған онлайн-кассаның артықшылықтары қандай?

Онлайн-касса сату есебін, касса құжаттармен жұмыс істеуді және оларды салық органдарына жолдауды автоматтандырады. Салық органдарының да бақылау жұмысы жеңілдейді: олар деректердің бәрін нақты уақыт режимінде, кідіріссіз және қатесіз алады. Онлайн-кассаның артықшылықтарын толығырақ қарастырайық.

Жұмыс жылдамдығы. Онлайн-кассалар төлем процесін жылдамдатады. Клиенттер бірнеше минут ішінде ақы төлей алады, ал бизнес нақты уақыт режимінде есептер алып отырады. Мысалы, кафе иесі бір күнде қанша меценат келгенін және даяшылар ауысымды сағат нешеде ашқанын тез көре алады.

Қауіпсіздік әрі сенімділік. Деректердің бәрі бұлтта сақталады. Бұл бизнес үшін қауіпсіздікті қамтамасыз етеді — жабдық істен шыққан жағдайда ақпарат жоғалмайды. Мысалы, дүкенде касса бұзылып қалса, оны жөндеуге беруге болады. Ал сату деректерін мобильді қосымшадан жүктеп алуға болады.

Пайдалану оңай. Онлайн-кассалар тіпті техникалық машығы жоқ адамдар да оларды оңай меңгере алатындай етіп жасалған. Жұмыс істеу үшін қосымшаны планшетке не смартфонға орнатып, қадам-қадам берілген нұсқауларды орындау жеткілікті. Ал сұрақтарыңыз болса, қолдау қызметіне хабарласуға болады.

Қызмет көрсетуде үнемдеу. Онлайн-сервистердің көбі — тегін. Кәсіпкер тек фискалдық деректер операторы (ФДО) қызметінің ақысын төлейді, ал қосымшаны қолданғаны үшін ақша алынбайды. Бұл сатып алынатын, содан кейін үнемі жаңартылып отыратын касса машинасымен салыстырғанда бизнес үшін тиімді нұсқа.

Клиенттерге ыңғайлы. Онлайн-кассалар түрлі төлем әдістерін қолдайды: карталар, мобильді және жанасусыз төлемдер. Бұл сатып алу тәжірибесін тұтынушылар үшін ыңғайлы және жылдам етеді, өйткені олар түбіртекті бірден ала алады.

re:Kassa — әрқашан тегін онлайн-касса

re:Kassa-да тіркелгеннен кейін кассалық аппаратты сатып алмай-ақ бірден төлемдерді қабылдап, чектер беріңіз

Тегін бастап көру

Онлайн-кассаны кім қолдануға тиіс?

ҚР Салық кодексінің 166-бабына сәйкес, жеке тұлғалардан тауарлар мен қызметтер ақысына төлем қабылдайтын кәсіпкерлердің бәрінде онлайн-касса болуға тиіс. Бұл төлем түрлерінің бәріне — қолма-қол ақшалай, картадан немесе QR-код арқылы төлем қабылдауға қатысты. Бұл сервис мынадай бизнес санаттарына керек:

Бөлшек сауда дүкендері. Жеке тұлғаларға тауар сататын: азық-түлік дүкендері, киім бутиктері, электроника дүкендері және т.б. дүкендердің бәріне керек.
Сервис компаниялар. Сұлулық салондары, автосервистер, таксилер.
Интернет-дүкендер. Интернет арқылы тауар және қызмет сататын сайттар.
Дәмханалар мен мейрамханалар. Қолма-қол ақшалай және қолма-қол ақшасыз есеп айырысып жұмыс істейтін жұртшылықты тамақтандыру мекемелері.

Дара кәсіпкерлер. Жеке іс жүргізетін және жеке тұлғаларға тікелей қызмет көрсететіндердің бәріне

Кімге онлайн-кассаның керегі жоқ. Төлемдерді бір есеп айырысу шотынан өзге шотқа аударатын жеке тұлғалар мен кәсіпкерлерге онлайн-кассаның керегі жоқ. Мысалы, компания кеңсе керек-жарақтарын көтерме жеткізушіден сатып алса және шотты қолма-қол ақшалай немесе картадан емес, банктен ақша аударып төлеген жағдайда. Сондай-ақ, онлайн-кассаны интернеті жоқ кәсіпкерлер орнатпауына болады — мұндай тізімдер әдетте бөлек жарияланады.

Онлайн-кассаны қажет етпейтін кәсіпкерлердің толық тізімін ҚР Мемлекеттік кірістер комитетінің сайтында көруге болады

Онлайн-касса қандай бизнеске қолайлы?

Онлайн-касса көптеген бизнеске қажет. Кәсіпкер үшін бұл құралдың көптеген артықшылығы бар. Мысалы, ол үй жанындағы дүкен иесі болса, онлайн-кассаның арқасында сатып алушыларына жылдамырақ қызмет көрсете алады. Онлайн-кассаның шағын, орта және ірі бизнеске тағы қандай пайдасы тиетінін қарастырайық.

Шағын бизнес

Шағын дәмхана, дүкен және автосервис иелерінің көбі әдетте сауда есебін қолдан жүргізеді. Оның салдарынан қате болуы мүмкін, оның үстіне көп уақыт кетеді. Онлайн-касса әр сатылымды автоматты түрде тіркейді, сатылым және кіріс есебін жасайды, сонымен қатар бухгалтерлік есеп жүйелерімен біріктіріледі. Мұндай функционалдық кіріс пен шығынды есепке алу қарапайым және қолжетімді болуға тиіс шағын бизнес үшін аса маңызды.

Орта бизнес

Мұндай компанияларда әдетте есеп көп болады. Ал сату көлемі артқанда, мейрамханалар мен дүкендер тауарларды есепке алуда қиналып қалуы мүмкін. Онлайн-касса басқа жүйелермен интеграцияланған және нүктелердің бәріндегі сатылымдарды басқаруға бірден мүмкіндік береді. Мысалы, дүкендер желісі кассаларының бәрін бір жүйеге біріктіруіне болады. Бұл бухгалтерия бөліміне қаржы туралы есеп беру үшін жылдам дерек алуға және оны салық органына жолдауға мүмкіндік береді.

Ірі бизнес

Ірі компаниялар үшін процестерді бизнесті дамытуға көмектесетін және қызметкерлердің уақытын пайдаланбайтындай етіп құру маңызды. Мысалы, онлайн-кассаның арқасында мейрамханалар желісі түрлі филиалдардағы деректерді бір сервиске біріктіре алады. Бұл сатылымды қадағалауға және деректерді салық органына уақытында жолдауға көмектеседі.

Онлайн-кассаны қалай таңдауға болады?

Бизнес үшін кассаның ең қолайлы түрі — онлайн-сервис. Ол смартфонда жұмыс істейді, ал оған қосылу үшін кәсіпкерге дерек жолдау функциясы бар физикалық касса машинасының қажеті жоқ. Осындай онлайн-кассаны таңдағанда неге назар аудару керегін қарастырайық.

Заңнама талаптарына сәйкестігі. Бұл айыппұл және салық органдарымен арада туатын проблемаларды болдырмау үшін қажет. Ең бастысы, онлайн-кассада фискалдық деректер операторымен (ФДО) интеграция болуы керек. Сондай-ақ, касса заңнамадағы өзгерістерге сәйкес автоматты түрде жаңартылып отыруы керек. Сонда бизнестің қаржы есебіне қатысты проблемалары болмайды.

re:Kassa автомат түрде фискалдық түбіртектер жасап, оларды салық органдарына береді. Соның арқасында заңнама талаптары сақталады және жүйеде әлдебір деректер жазылмай қалды деп алаңдамауға болады.

Бағдарламалармен интеграция. Бұл функционалдық шағын және ірі бизнес үшін де өзекті. Ол сатылым, төлем және қайтарулар туралы деректерді автоматты түрде тасымалдауға мүмкіндік береді. Мысалы, касса бухгалтерлік есеп жүйесімен интеграцияланған болса, әр операция бухгалтерлік есеп бағдарламасында бірден көрсетіледі. Бұл бизнес-процестерді жеңілдетеді.

re:Kassa-да сату, қаржы және сатып алуды талдауға арналған оннан астам сервиспен интеграция бар. Олардың ішінде: Мой склад, 1С және Мой учет.kz б. Компанияға қажет есепті табу үшін бірнеше бағдарлама арасында ауысудың қажеті жоқ. Бәрі бір кеңістікте көрініп тұрады.

Қолданудың әмбебаптығы. Онлайн-касса бизнестің кез келген саласына сәйкес болуы керек. Мысалы, шағын дүкен иесі болсаңыз, негізгі функционалдығы бар шешімдерді таңдаңыз. Ал үлкен клиенттер базасы бар сұлулық салондары желісін басқарып отырсаңыз, бір уақытта түрлі филиалдармен жұмыс істеуге мүмкіндік беретін сервисті таңдаңыз.

re:Kassa бөлшек саудадан СПА-салондарға дейін кез келген бизнеске жарамды. Сервис сайтта қолма-қол ақшалай және онлайн төлем қабылдауға және есептілікті дереу салық органына тапсыруға мүмкіндік береді.

Қолдану оңай. Онлайн-кассаны қостыруға көп уақыт кетпейді. Әдетте, сервис бірнеше секундта жүктеледі және оны стационар құрылғыны қоспай-ақ қолдануға болады. Сондай-ақ жүйедегі интерфейстің интуитив болғаны және қызметкерлердің ұзақ оқып-үйренгенін қажет етпеуі маңызды.

re:Kassa сервисін телефон мен планшетке тегін жүктеп алуға не веб-нұсқасын компьютерге көшіріп алуға болады. Тіркелуге бірнеше-ақ минут кетеді және орнату үшін қарапайым нұсқауларды орындау жеткілікті. re:Kassa жұмыс процесіне енгізу оңай – қызметкерлер оны бір күнде меңгеріп алады.

Түрлі төлем тәсілдерінің мүмкіндігі. Бірнеше сервисті қоспау үшін негізгі төлем тәсілдерінің бәрін қолданатын онлайн-кассаны таңдаған жөн. Клиенттерге жылдам чек шығарып беру үшін онлайн-касса POS-терминалды қолдауы керек. Мұндай функционалдық бизнеске бір қосымша арқылы төлем қабылдап, өзінің де, клиенттің де уақытын үнемдеуге мүмкіндік береді.

re:Kassa-да банк карталарынан, мобильді қосымшалардан, NFC (мысалы, Apple Pay немесе Google Pay), сондай-ақ QR-код арқылы төлем қабылдау мүмкіндігі бар. Клиент ақы төлегеннен кейін түбіртектің көшірмесін мессенджерге жолдауға болады.

Кеңейтілген функционал. Бұл сату есебін жылдам жүргізіп қана қоймай, сонымен қатар бизнес-процестерді жақсартқысы келетін компанияларға керек. Мысалы, түбіртек принтерлерімен синхрондау баға белгілері мен затбелгілерді автоматты түрде жаңартуға мүмкіндік береді. Бұл әсіресе үлкен ассортименті бар дүкендерге қатысты.

re:Kassa-да — ауысымды автоматты түрде жабудан штрих-код сканеріне дейін түрлі функциялар бар Мұндай чиптер күнделікті тапсырмаларды орындау уақытын қысқартып, қателерді азайтады. Сондай-ақ сервис көмегімен кәсіпкер Instagram, Play Market немесе App Store дүкендеріндегі шолу арқылы қызмет көрсету сапасын бағалауға болады. Бұл клиенттердің бір нәрсеге көңілі толмаған жағдайда, оларға қызмет көрсетуді жақсартуға көмектеседі.